وادیِ نیلم

1

وادیِ نیلم آزاد کشمیر میں ۱۴۴کلومیٹر طویل وادی ہے۔یہ وادی مظفرآباد کے شمالی مشرق میں واقع ہے جو کہ آزاد کشمیر کا دارالحکومت ہے۔اس وادی کا سب سے حسین مقام دریائے نیلم ہے، جہاں پہنچ کر ایسا محسوس ہوتا ہے جیسا آپ کا کوئی خواب حقیقت میں تبدیل ہوگیا ہو۔دریا کے دونوں طرف ہرے بھرے جنگلات اور بلند و بالا حسین پہاڑ اس وادی کی خوبصورتی میں چار چاند لگا دیتے ہیں۔اس وادی کے اور بھی ایسے مقامات ہیں جوکہ قابلِ دید ہیں جن میں آٹھمقام،کٹن،جاگرن،کرن،نیلم،رتّی گلی،ببون ،نوری ٹوپ،سرگون اور ہلمت سرِفہرست ہیں۔ان مقامات پر جب آپ اپنے ہم سفر کے ساتھ جائیں گے تو یقیناً ان مقامات کی خوبصورتی آپ کی نظر میں دگنی ہوجائے گی ۔

وادیِ ہُنزہ

2

وادیِ ہُنزہ گلگت بلتستان کے علاقے میں ایک پہاڑی وادی ہے۔وادیِ ہُنزہ پہلے ایک نواہی ریاست تھی۔ ہُنزہ کی وادی ،دریائے ہُنزہ کے شمالی مغرب پر۲۵۰۰میٹر کی بلندی پر واقع ہے۔یہ وادیِ ہُنزہ کل تین حصوں پر واقع ہے ،ایک اوپری ہُنزہ جسے گوجل بھی کہا جاتا ہے،دوسرا سینٹرل ہُنزہ اور تیسرا لوئر ہُنزہ کہلاتا ہے۔وادیِ ہُنزہ ان حسین اور دلکش وادیوں میں سے ایک ہے جہاں آپ اپنے ہنی مون کو ناقابلِ فراموش اور بہت خوبصورت بنا سکتے ہیں۔اور یہاں گھومنے پھرنے کے لیئے بھی ایسے بہت سے خوبصورت مقامات ہیں جن سے آپ بہت لطف اندوز ہونگے۔ان خوبصورت مقامات میں رکاپوشی بیس کیمپ،دینار بیس کیمپ،ہوپر گلیشیئر،ایبٹ آباد جھیل اور نگر وادی دیکھنے کے قابل ہیں۔

وادیِ سوات

3

وادیِ سوات کا نام آتے ہی آنکھوں کے گرد ایک حسین منظر گردش کرنے لگتا ہے۔جی ہاں!وادیِ سوات پاکستان کی ان وادیوں میں سے ایک ہے ،جس کا ذکر اگر نہ کیا جائے تو پاکستان کی خوبصورتی نا مکمل رہ جائے گی۔ہنی مون پر ہوتے ہوئے اگر آپ نے وادیِ سوات کی سیر نہ کی تو شاید آپ کا ہنی مون ہی ادھورا رہ جائے گا۔وادیِ سوات ، دریائے سوات سے اوپری سطح پر واقع ہے اور یہ ایک بہت ہی خوبصورت اور دلکش وادی ہے۔جو مقامات یہاں قابلِ دید ہیں ان میں نہرِمہوڈنڈ اور وادیِ مہوڈنڈ،ملام ، مدیان ،اوشو کے جنگلات اور وادیِ کلام سب سے اہم ہیں۔وادیِ سوات کو بیشتر سیاہ چھوٹاسوئیزرلینڈ بھی کہتے ہیں۔

وادیِ کیلاش

4

آپ ہنی مون پر جائیں اور وادیِ کیلاش کے دلکش اور حسین نظاروں سے لطف اندوز نہ ہوں ، یہ تو ممکن ہی نہیں ہوسکتا ہے۔وادیِ کیلاش ضلعِ چترال میں واقع ہے اور یہ وادی سیاہوں کی دلچسپی کا ایک اہم مرکز ہے۔اس وادی میں ایک تاریخی پسِ منظر پوشیدہ ہے ، مگر یہ پسِ منظربے انتہا تنازعات کا شکار ہے۔کیلاش کا مطلب ایک پورانی یونانی تہذیب ہے،یہاں کے لوگ پورانے قبیلے، مذہب اور تہذیب سے تعلق رکھتے ہیں۔یہا ں کے لوگ دریا اور نہر کے کنارے ، پتھروں پر چھوٹے چھوٹے گھر تعمیرکر کے قبیلوں کی شکل میں رہتے ہیں۔وادیِ کیلاش کے لوگ بہت مہمان نواز اور خوش اخلاق ہوتے ہیں۔ آپ جب بھی اپنے ہنی مون کے لیئے یہاں جائیں گے تو یہاں کے لوگوں سے مل کر بہت خوش ہوں گے۔

وادیِ کاغان

5

آپ کے ہنی مون کو یادگار بنانے کے لیئے ایک اور حسین وادی، وادیِ کاغان ہے۔یہ خوبصورت وادی ضلع مانسہرہ میں شمالی مشرق میں واقع ہے۔کاغان کی واادی نہ صرف پاکستانی سیاہوں کو اپنی طرف متوجہ کرتی ہے بلکہ غیر ملکی سیاہ بھی یہ وادی گھومنے کے لیئے دور دور سے آتے ہیں۔ہمالیہ کے پہاڑو ں پر چڑھ کرجب نیچے کی طرف کاغان کی وادی کو دیکھتے ہیں تو ایسا محسوس ہوتا ہے، جیسے آپ بادلوں پر بیٹھے ہوئے جنت کی سیر کر رہے ہیں۔وادیِ کاغان کا موسم سدا بہار رہتا ہے اور یہاں کا موسم اس وادی کی خوبصورتی کا ایک اہم جز ہے۔اس وادی کے وہ مقامات جو آپ کی توجہ کا اہم مرکز بن سکتے ہیں، ان میں وادیِ شوگران،جھیل سیف الملوک،آنسو جھیل،ملکہ پربت پہاڑی اور بابوسر پاس شامل ہیں۔

مری

6

جب ہم مری کی بات کرتے ہیں تو دل میں خود بہ خود حسین احساسات جنم لیتے ہیں۔مری ضلعِ راولپنڈی میں واقع ہے،یہ موسمِ گرما میں گھومنے کے لیئے بہترین جگہ ہے۔یہاں ہنی مون کو یادگار بنانے کے لیئے بہت کچھ ہے۔ یہاں کی خوبصورت اور دلکش پہاڑیاں ، پانی کے بہتے ہوئے خوبصورت جھرنے،چاروں طرف ہریالی آپ کے لیئے جنت کا سماں پیش کرتی ہیں۔ہنی مون پر شاپنگ کے لیئے مری کے مال روڈ پر بہت عمدہ دکانیں اورکھانے پینے کے لیئے ذائقے سے بھرپور ریسٹورینٹ بھی ہیں۔مری نے اپنے اندر بے شمار حسین اور قدرتی نظارے سمیٹے ہوئے ہیں جن میں پٹریاٹہ ،نتھیاگلی، ایوبیہ اور کشمیر پوئنٹ قابلِ دید ہیں۔

شندورپس

7

شندور پس گلگت اور چترال کے بیچ وبیچ بنا ہوا ہے، یہاں ہر سال موسمِ گرما میں میلہ سجایا جاتا ہے جو کہ پولوفیسٹیول کے نام سے مقبول ہے۔یہ پولو فیسٹیول دنیا بھر کے سیاہوں کو اپنی طرف متوجہ کرتا ہے۔شندورپس میں دنیا کا سب سے بڑا پولو گراؤنڈ واقع ہے جو کہ سمندری سطح سے۳۷۳۸ میٹربلند ہے۔یہا ں پہنچنے کے لیئے جس راستے سے گزرنا پڑتا ہے وہ برفیلا راستہ ہے۔ موسمِ سرما میں تو یہ راستہ بھاری برف باری کی وجہ سے بند کردیا جاتا ہے البتہ گرمیوں کے موسم میں اس راستے پر پگھلتی ہوئی برف نہایت ہی حسین اور دلکش منظر پیش کر رہی ہوتی ہے۔اس خوبصورت اور دلکش راستے سے اگر آپ اپنے شریکِ حیات کے ساتھ گزریں تو آپ کے ہنی مون ٹرپ میں چار چاند لگ جائیں گے۔

راولکوٹ

8

راولکوٹ آزاد کشمیر میں واقع ہے ،یہ پہاڑوں اور جنگلات سے گھری ہوئی ایک بہت ہی خوبصورت وادی ہے جو کہ اسلام آباد اور راولپنڈی سے ۸۰ کلومیٹر کے فاصلے پر ہے۔راولکوٹ گھومنے کا مزہ موسمِ گرما میں ہے ،کیونکہ گرمیوں میں یہاں کا موسم نہایت ہی خشگوار اور دلکش ہوتا ہے۔جبکہ سردیوں میں یہاں ناقابلِ برداشت سردی پڑتی ہے۔راولکوٹ میں بیشتر ایسے مقامات ہیں جنہیں دیکھ کر آپ اپنے ہنی مون پر خوب لطف اندوز ہوسکتے ہیں۔ان مقامات میں پونچ ریور،تتاپانی،بنجھوسوا جھیل،سدھن گلی اورٹولی پیرقابلِ تعاریف ہیں۔راولکوٹ میں ٹریکنگ اورپیراگلیڈنگ کرنے کا اپنا ہی ایک مزہ ہے۔

زیارت

9

زیارت پلوچستان میں واقع ایک بہت ہی حسین اور خوبصورت ضلع ہے۔بیشتر شادی شدہ جوڑے اپنا ہنی مون منانے یہاں ضرور آتے ہیں۔ضلعِ زیارت اپنے حسین موسم اور آب و ہوا کی بدولت بہت مشہور ہے، یہ ایک ایسی جگہ ہے جہاں پہنچ کر ایک نئی زندگی ملتی ہے۔زیارت کے حسین اور خوبصورت پہاڑ،ہرے بھرے جنگلات،پہاڑوں کے بیچ بہتی ہوئی آبشاریں اور دلکش نظاروں سے بھرپور جھیلیںآپ کو جنت کا تصور پیش کرتی ہیں۔زیارت میں ایسے بہت سے خوبصورت اور آرائش سے بھرپور ہوٹلز ہیں جہاں سے آپ باآسانی زیارت کی وادیوں سے لطف اندوز ہو سکتے ہیں اور اپنے ہنی مون کو یادگار بنا سکتے ہیں۔

وادیِ جہلم

10

وادیِ جہلم آزاد کشمیر میں واقع ہے۔یہ نہ صرف وہاں کے مقامی لوگوں کے لیئے بلکہ دنیا بھر کے سیاہوں کے لیئے باعثِ کشش ہے۔جو لوگ ہنی مون منانے کے لیئے پاکستان کی وادیاں گھومنے جاتے ہیں وہ وادیِ جہلم کی وادیوں سے بھی ضرور لطف اندوز ہوتے ہیں۔اس وادی کا سب سے خوبصورت نظارہ ردیائے کرلنگ کا مشرق سے مغرب کی طرف بہنا ہے۔جب آپ اس دریاکو ہرے بھرے پہاڑوں کے بیچ سے بہتا دیکھیں گے ، تو خدا کی قدرت کی تعاریف کیئے بغیرنہیں رہ پائیں گے ۔وادیِ جہلم کے اندر ایک اور خوبصورت اور حسین وادی ہے جسے وادیِ لیپا کہا جاتا ہے،یہ وادی پیارکرنے والوں کی وادی کے نام سے بھی مشہور ہے اور اسے محبت کرنے والوں کی جنت بھی کہا جاتا ہے۔یہاں لکڑی کے بنے ہوئے خوبصورت گھر اور سرسبز وشاداب چاولوں کے کھیت، یہاں آنے والے سیاہوں کی دلچسپی کا اہم مرکز ہیں۔

بشکریہ:۔ http://ur.bridallounge.com/%DB%81%D9%86%DB%8C-%D9%85%D9%88%D9%86-%DA%A9%DB%92-%D9%84%DB%8C%D8%A6%DB%92-%D9%BE%D8%A7%DA%A9%D8%B3%D8%AA%D8%A7%D9%86-%DA%A9%DB%92-%D8%AF%D8%B3-%D8%AE%D9%88%D8%A8%D8%B5%D9%88%D8%B1%D8%AA-%D9%85%D9%82/


افکار و نظریات: پاکستان کے دس خوبصورت سیاحتی مقامات