توحید بارے ویب سائٹ

✍️ منتظر مہدی

انا للہ وانا الیہ راجعون، 🍁 ایام ہائے شہادت مولا علی علیہ السلام میں تمام مومنین کی خدمت میں تعزیت پیش کی جاتی ہے۔ ان ایام میں مولائے کائنات کے مکتبِ خدا شناسی سے چند معارف سیکھنے کی کوشش کیجئے۔
عصرِ جدید اور خود فریبی کا خطرہ
⚡️ عہدِ نو برق ہے، آتش زنِ ہر خرمن ہے
⚡️ ایمن اس سے کوئی صحرا نہ کوئی گلشن ہے
(اقبال)
جدید دور کا آغاز چھاپہ خانے کی ایجاد کو مانا جاتا ہے۔ جوں جوں وقت آگے بڑھا، نئے ذرائع ابلاغ ایجاد ہوتے رہے اور آج زمانہ انٹرنیٹ تک آ پہنچا ہے۔

جب نشریات کی بہتات ہو گئی تو لوگوں کے توہم میں مبتلا ہو کر گروہوں میں بند ہو جانے کا امکان پیدا ہوا جسے کلٹ (cult) کہتے ہیں۔

ماضی میں صوفیوں کیلئے معاشرے سے جدا ہونے کیلئے جنگلوں میں جانا ضروری تھا، لیکن اب خاص قسم کی نشریات میں اپنے ذہن کو بند کر لینا ہی فکری رہبانیت کیلئے کافی ہے۔ یہ مجازی خانقاہ عقل کو مار دیتی ہے۔
اس جدید مظہر کا اثر معارفِ توحیدی پر بھی پڑا۔ ہمارے معاشرے میں سوشل میڈیا پر ایسے خانقاہ نما گروپس بن چکے ہیں جو لوگوں کو فلوطین اور ابنِ عربی جیسوں کی خدا شناسی میں مبتلا کر رہے ہیں۔ نوجوان ان کی اصطلاحوں کو رٹ کر عرفانِ رب حاصل کرنے کے فریب میں مبتلا ہو رہے ہیں۔
حقیقی معارف کی تبلیغ کا فریضہ
رسول اللہ ؐ نے فرمایا:
إِذَا ظَهَرَتِ الْبِدَعُ فِي أُمَّتِي فَلْيُظْهِرِ الْعَالِمُ عِلْمَهُ فَمَنْ لَمْ يَفْعَلْ فَعَلَيْهِ لَعْنَةُ اللَّهِ.
(اصول کافی، ج 1، ص 54)
ترجمہ: ”جب میری امت میں بدعات ظاہر ہونے لگیں تو علم رکھنے والوں پر واجب ہے کہ وہ اپنے علم کا اظہار کریں۔ پس جو ایسا نہ کرے اس پر خدا کی لعنت ہے“۔
🧭 زمانے کے تقاضے کو مدنظر رکھتے ہوئے قم المقدس کے مراجع اور مدرسینِ حوزہ کی سربراہی میں چلنے والے معروف مرکز تبلیغات کے اردو شعبے کا آغاز کر دیا گیا ہے۔

اب اہلبیت علیہم السلام کے توحیدی معارف پر مراجع اور علماء کی تحریروں اور بیانات تک اردو دان طبقے کی رسائی ایک کلک کے ذریعے ممکن ہے۔


✨️ ابنِ عربی، عرفان اور تصوف پر تحقیقات ✨️


افکار و نظریات: google, print, voice, nation