بزمِ علمائے روندو قم

تحریری رپورٹ: منظوم ولایتی

مورخہ١٧مئی ٢٠٢۴ء بروز جمعہ صبح ٩ بجے مجمع علماء و طلاب روندو قم القدسہ کے دفتر میں دہہ کرامت اور ولادت امام علی رضا ع کے سلسلے میں ایک پروقار پروگرام منعقد ہوا۔

جس میں بلتستان کے اکثر مجامع کے صدور کے علاوہ حامعہ روحانیت بلتستان کے صدر سید احمد رضوی صاحب اور مدرسہ حجتیہ کے مسئولِ تربیتی و فرھنگی حجت السلام آغا ڈاکٹر صرفی صاحب نے خصوصی طور پر شرکت کی۔

نشست سے خطاب کرتے ہوئے نشست کے مہمانِ خصوصی آقای ڈاکٹر صرفی نے امام رضا ع کی ایک حدیث بیان کی : الامامُ الانیسُ الرفیقُ۔ (زمانے کا ) امام اپنے ماننے والوں سے محبت کرنے والا اور ان کا خیر خواہ ہوتا ہے۔ اس حدیث کی روشنی میں آپ نے ہمیں اپنے معاشرے کو امام زمان ع کی تشریف آوری کیلیے آمادہ کرنے پر تاکید فرمائی۔

علاوہ ازیں جامعہ روحانیت بلتستان کے صدر آغا سید احمد رضوی صاحب نے اپنے خطاب میں فرمایا کہ ہمیں اپنی ہفتہ وار تمرینوں کے اندر اصلاح کرنے کی اشد ضرورت ہے تاکہ بھرپور تیاری کے ساتھ زمانے کے تقاضوں کے مطابق خود کو دین کی تبلیغ کیلیے آمادہ کیا جاسکے۔

یاد رہے کہ پروگرام سے مجمع روندو کے سابق دبیر شیخ محمد وصیل فیاضی صاحب اور سابق صدر مجمع علماء و طلاب روندو آغا سید عباس موسوی صاحب نے بھی اپنے مختصر خطاب اپنے تجربات کو حاضرین تک منتقل کیا۔

یاد رہے کہ پروگرام کے آغاز میں آغا محمد رضا فیاضی نے تلاوت کی پھر بعد اذاں قبلہ دکتر علی موسی صاحب اور شیخ علی ترانی صاحب نے بالترتیب بلتی اور اردو میں قصیدہ پیش کیا۔ ساتھ ہی برادر اخلاق شریفی صاحب نے مدحِ اہلبیت ع کے اشعار سے محفل کو گرمایا۔

آخر میں مجمع روندو علماء و طلاب روندو کی طرف سے مجمع کے سابق صدر آغا سید عباس موسوی صاحب اور سابق ھیئتِ نظارت کے دبیر شیخ محمد وصیل فیاضی صاحب کو دو سال بہترین خدمات دینے پر اعزازی اسناد سے نوازا گیا۔

اسی طرح سے صدا و سیما جمہوری اسلامی ایران اور مجمع جہانی اہلبیت ع کے تعاون سے منعقد ہونے والے آموشی دورے میں شرکت کرنے والے برادران کو بھی اسناد و مدارک بھی دیے گئے۔

مجمع کے صدر آغا سید حامد علی شاہ رضوی نے تمام مہمانوں کا خاص طور پر حجت السلام آغای دکتر صرفی صاحب مسئولِ تربیتی و فرھنگی مدرسہ حجتیہ، آغا سید احمد رضوی صدر جامعہ روحانیت بلتستان، آغا نثار عاملی صدر انجمن علماء وطلاب کھرمنگ، آغا شیر محمد مقدسی صدر مجمع علماء و طلاب شگر اور اسی طرح سے تمام مہمانان اور بزرگان کا شکریہ ادا کیا اور یوں آج کا یہ خوبصورت پروگرام اذوق اور نمکین چائے کی ضیافت کے ساتھ اپنے اختتام کو پہنچا۔

یاد رہے کہ آج کے پروگرام میں رقم الحروف نے نظامت کے فرائض سر انجام دیے۔

شمسؔ بلتستانی صاحب کے امام رضا ع سے متعلق کہے ہوئے اِس کلام کے ساتھ قارئین سے اجازت چاہتا ہوں:

ذکرِ رضا جہاں سے مٹایا نہ جائے گا
یہ چاند تیرگی سے چھپایا نہ جائے گا

اوصاف کبریاء کا ہے مظہر ترا وجود
رتبہ کسی سے تیرا گھٹایا نہ جائے گا

میں ہوں یہاں یہ ماں کی طہارت کی ہے سند
مشہد میں بد نسب سے تو آیا نہ جائے گا

جو وقت میں نے مشہد و قم میں بِتا دیا
مجھ سے کبھی وہ وقت بھلایا نہ جائے گا


افکار و نظریات: daily, weekly, news, monthly