رضاربانی اور زرداری میں دوریاں کیوں؟

فرحان منہاج

کل نسیم زہرہ کے 24 کے پروگرام میں سینئر صحافی و اینکر پرسن حامد میر نے رضاربانی اور آصف علی زرداری کے درمیان دوری کی وجوہات سے پردہ ہٹایا ..

حامد میر کے مطابق سال 2015 میں جب غیر متوقع طور پر رضاربانی کو سینٹ کا چئیرمین بنوایا گیا تب ایم کیو ایم نے ن لیگ کو جواب دیکر رضا ربانی کو ووٹ دیا تھا جس کے بعد فاروق ستار نے اسی دن زرداری صاحب کو کہا کہ رضا ربانی کو ووٹ دینے کی ہمیں سزا ضرور ملے گی.

اور پھر ایسا ہی ہوا کہ اگلے دن ہی نائن زیرو پر چھاپہ پڑا جسے چوہدری نثار نے بیک کیا. چھاپے کے بعد الطاف حسین کے متنازعہ بیانات نے اس پوری کاروائی کو جواز بھی مہیا کیا اور اس میں شدت بھی آئی.

جبکہ ساتھ ہی زرداری صاحب کے اینٹ سے اینٹ بجانے والے بیان کے بعد اسٹیبلشمنٹ سے تعلقات کی خرابی کے بعد زرداری کو نوازشریف نے چھوڑ دیا اور زرداری صاحب کو دوبئی جانا پڑا جس کے بعد زرداری صاحب کے مطابق پی پی کو دیوار سے لگادیا گیا.

یہ سب زرداری صاحب کے مطابق رضا ربانی کو چئیرمین بنانے پر ہوا اور نوازشریف نے کروایا.

جبکہ رضا ربانی نے اس پر کچھ نہیں کیا اور کوئی کردار ادا نہیں کیا.

لیکن دوسری طرف حامد میر نے انکشاف کیا کہ جب نوازشریف کا مقدمہ عدالت میں تھا تو رضا ربانی کا خیال تھا کہ عدالت کبھی بھی نوازشریف کو نااہل نہیں کرے گی جبکہ حامد میر نے کہا تھا کہ حالات بدل گئے ہیں آپ کا خیال جھوٹا ثابت ہوگا.

اور ایسا ہی ہوا. اور بعد میں ن لیگی حلقوں کا بیانیہ تھا کہ سینٹ الیکشن نہیں ہونگے تو رضا ربانی ان سے متفق تھے کہ سینٹ الیکشن نہیں ہونگے لیکن سینٹ الیکشن بھی ہوگئے. رضا ربانی کے لیے یہ بھی غیر متوقع تھا.

حامد میر کی پوری گفتگو سن کر میرے خیال میں رضا ربانی اور زرداری صاحب میں دوری اور اختلاف کی وجہ یہ ہے کہ جب پی پی کو دیوار سے لگایا جارہا تھا اور کاروائی جاری تھی تب رضاربانی سینٹ میں خاموش رہے لیکن جیسے ہی نوازشریف کو نااہل کیا گیا تو رضا ربانی کو گریٹ ڈبیٹ یاد آگیا. اداروں کے درمیان تصادم کا.خیال آیا اور ساتھ ہی بات یہاں ختم نہیں ہوئی آرمی چیف قمر رضا باجواہ کو سینٹ میں بلاوا کر ان کیمرہ سیشن میں نوازشریف کی نااہلی اور مقدمات میں ان کے کردار پر سوال تک کر کے تسلی کی گئی

یہ بات زرداری صاحب کو ہضم نہیں ہوئی کہ رضا ربانی کی اصول پسندی اور جمہوریت پسندی اب ہی کیوں جاگی جو پی پی اور زرداری کے وقت سینٹ کی چئیرمین شپ کی مصلحت پسندی میں چھپی ہوئی تھی.

#ضرب_تحریر.


افکار و نظریات: رضاربانی اور زرداری میں دوریاں