محبوب اسلم               

جی یہ سیاست ھے بھائی یہاں تو سیاستدانوں کے سامنے بنارس کے بندر کا تماشہ بھی پانی بھرتا نظر آتا ھے۔ ملک اور عوام کے درد کے نام پر وہ وہ کرتب دکھایا جارھا ھے کہ آپ نے ادھر آنکھ جھپکی ادھر وہ قیامت کی چال چل گئے۔

ھمیں تو اس الطاف حسین کی ٹیم سے پہلے بھی کوئی خیر کی توقع نہیں تھی اور چاھے وہ پاک سر زمین پارٹی کی ھیئت اختیار کرے یا ایم کیو ایم پاکستان کا لبادہ اوڑھے۔۔۔جب تک یہ بھائی لوگ اپنے آپ کو احتساب کیلئے پیش نہیں کرتے یہ ملک گیر پذیرائی حاصل نہیں کرسکتے۔ اور یہ انکا ایکدوسرے میں ضم ھونا ایسا ھی ھے جیسے صفر جمع صفر برابر صفر۔

 

اردو اسپیکنگ طبقے کا جو استحصال ایم کیوایم نے اور ان تمام کمالوں اور ستاروں نے غداراعظم الطاف حسین  کیساتھ ملکر کر دیا اسکا ازالہ کرتے کرتے ایک وقت لگے گا۔ پچھلے چار دھائیوں سے مسلسل پاور اور اختیار میں رھنے والی اس جماعت نے ھمارے مہاجر بہن بھائیوں کی جو درگت بنائی ھے وہ اس کوٹہ سسٹم نے کیا خاک ھی بنائی ھوگی۔

مہاجر بہن بھائیوں کے حقیقی مسائل کو لیکر جتنا پیسہ ان  مہاجر لیڈروں نے بنا ڈالا اس سے ثابت ھوگیا کہ پاکستان میں کم از کم کرپشن میں کوئی کوٹہ مقرر نہیں ھے اور کیا سندھی،کیا پنجابی اور کیا مہاجر لیڈرز سب ھی خود کفیل ھیں اور برابری کی سطح پر مصروف عمل ھیں۔کہیں کوئی امتیاز نہیں برتا جارھا۔ 

اگر کوئی امتیاز برتا جار ھا ھے تو وہ ھے اس ملک کی سندھی۔ بلوچی۔ پنجابی اور پٹھان قوم کیساتھ۔اور یہ استحصال کرنے والے کوئی اور نہیں انھی کے اپنے لیڈران ھیں جن کے پیٹ ھیں کہ بھرنے کا نام ھی نہیں لیتے۔

لیکن ایم کیو ایم کا معاملہ ذرا خاص ھے۔ اس پارٹی نے خالصتاٌ مافیا طرز پر اپنی ھی برادری کو گولی، بندوق اور غنڈہ گردی کے بل بوتے پر یرغمال بنایا ھوا ھے۔ اور یہ جو بھائی بھائی کا مروڑ اچانک اٹھا ھے وہ بھی اس درد کی وجہ سے کہ کہیں ھماراووٹر ھمارے ڈرر سے آزاد ھی نہ ھو جاۓ۔ لیکن ھمارے باشعور مہاجر بہن بھائیوں کو اب یہ فیصلہ کر لینا چاھیے کہ یہ کمال اور ستار رانگ نمبر ھے۔ 

مہاجر برادری کو آگے بڑھ کر ایک نئی قیادت آگے لانا ھوگی۔ اس ڈر اور خوف کا مقابلہ کرنا ھوگا۔ وگرنہ یہی چلے ھوۓ کارتوس آپ کے گلے میں وھی استحصالی طوق دوبارہ ڈالنے کے چکر میں ھیں۔

 

ھم پی ٹی آئی کیلئے ھمدردی رکھنے کے باوجود اپنے مہاجر دوستوں کو یہی مشورہ دیں گے کہ اپنی نئی قیادت خود سامنے لائیں۔ ویسے بھی پی ٹی آئی خود اپنی بقا کی جنگ لڑ رھی ھے۔ یہ وہ واحد پارٹی ھے جو اپنا نظریہ خود ھی کھا گئی۔ شاباش ھے خان صاحب۔ آپکی بھی تنگ نظری کی داد دینا پڑے گی۔ ایاک نعبدو وایاک نستعین کا ذکر جاپتے جاپتے آپ علیم خان اور جہانگیر ترین جیسے قبضہ مافیا اور قرضہ مافیا کے آگے ماتھا ٹیک گئے۔

ھماری پی ٹی آئی کے نظریاتی بہن بھائیوں سے گذارش ھے کہ وہ اپنی پارٹی کو اس کرپٹ مافیا سے بچانے کیلیۓ آگے آئیں وگرنہ حشر ایم کیو ایم والا ھونے میں کوئی زیادہ دوری نہیں ھے۔ ھم عنقریب ایک ملک گیر مہم کا آغاز کرنے جا رھے ھیں جو پارٹی کے سب نظریاتی ورکرز کو اس کرپٹ مافیا کیخلاف ایک یلیٹ فارم پر جمع کریگا۔  انشا اللہ۔ اگلی پوسٹ میں تفیصلات عرض کرٶنگا۔

آخر میں اپنے لبیک یا رسول اللہ ریلی کے بھائیوں کوسلام۔ آپ ثابت قدم رھیں۔اور پر امن رھیں۔ آپ کا مطالبہ بہت مناسب ھے اور ذمہ داران اشخاص کی حکومت میں کوئی جگہ نہیں ھونی چاھیۓ۔  لیکن خیال رھے آپ اس چور شریف کی پارٹی کو شھید نہ بنا دیں۔ آپ کیلئے دعاگو ھوں۔

 

 


افکار و نظریات: کمال اور ستار بھائی کے کمالات