یہی بزم عیش ہوگی یہی دور جام ہوگا

مگر آج کا تصور یہاں کل حرام ہوگا

میں کچھ اس طرح جیا ہوں کہ یقین ہو گیا ہے

مرے بعد زندگی کا بڑا احترام ہوگا

مری زیست اک جنازہ ہے جو راہ وقت میں ہے

جو تھکیں گے دن کے کاندھے تو سپرد شام ہوگا

یہی حادثات غم ہیں تو یہ ڈر ہے جینے والو

کوئی دن میں زندگی کا کوئی اور نام ہوگا

*وسیم بریلوی*

……………....................

تیرے دروازے پہ یہ چلمن نہیں دیکھی جاتی

جانِ جاں ہم سے یہ اُلجھن نہیں دیکھی جاتی

بے حجابانہ مِلو ہم سے یہ پردہ کیسا

بند ڈولی میں سہاگن نہیں دیکھی جاتی

جام میں ہو تو نظر آئے گلابی جوڑا

ہم سے بوتل میں یہ دلہن نہیں دیکھی جاتی

گھر بنائے کِسی صحرا میں محبت کیلئے

شہر والوں سے یہ جوگن نہیں دیکھی جاتی

ہم نظر باز ہیں دیکھلا ہمیں دیوی کا جمال

نور کی ہم سے براہمن نہیں دیکھی جاتی

اے فنا کہہ دے ہوا سے کے اُڑا لے جائے

ہم سے یہ خاکِ نشیمن نہیں دیکھی جاتی

………………………................

*برگ گل پر رکھ گئی شبنم کا موتی باد صبح*

*اور چمکاتی ہے اس موتی کو سورج کی کرن*

عجب یقین سا اس شخص کے گمان میں تھا

وہ بات کرتے ہوئے بھی نئی اڑان میں تھا

……………………

کئی پڑاؤ تھے منزل کی راہ میں تابشؔ

مرے نصیب میں لیکن سفر کچھ اور سے تھے

پہلی تو مجھ کو یاد نہیں

تو میری آخری خواہش ہے

…………………………….

: *اپنے دل کا مول بتا___؟*

*تو میری اوقات نہ پوچھ__!!*

………………………

بسترِ کرب پہ جب نیند جلائی میں نے

تب کسی خواب کی بنیاد اٹھائی میں نے

زخم ایسے تھے کہ ہر شخص کے آگے رکّھے

 بات ایسی تھی کہ خود سے بھی چُھپائی میں نے

حرمتِ غم کے لئے خود کو اذیّت بخشی

 پھر اسی درد سے تسکین بھی پائی میں نے

میں نے زخموں کو کریدا ' انہیں تازہ رکھّا

 تب کہیں دشت میں کی نغمہ سرائی میں نے

اپنی کھڑکی سے یونہی خود کو پکارا کل شب

 اور پھر خود کو وہ آواز سنائی میں نے

جانے والے سے رگِ جاں کا بھی رشتہ تھا '

 یہ سمَجھنے میں بہت دیر لگائی میں نے

شاعرنامعلوم

۔۔۔۔۔۔۔۔۔۔۔۔۔۔۔

 

: بکھرتی ریت پر کس نقش کو آباد رکھے گا

وہ مجھکو یاد رکھے بھی تو کتنا یاد رکھے گا

اسے بنیاد رکھنی ہے ابھی دل میں محبت کی

مگر یہ سنگ سینے پر وہ میرے بعد رکھے گا

پلٹ کر بھی نہیں دیکھی تمہاری بے رخی ہم نے

بھلا دوں گا تجھے ایسا کہ تو بھی یاد رکھے گا

۔۔۔۔۔۔۔۔۔۔۔۔۔۔

 

میری بزم دل تو اجڑ چکی

میرا فرش جاں تو سمٹ چکا

سبھی جا چکے میرے ھم نشیں

مگر ایک شخص گیا نہیں

پس کارواں سر راہ گزر

میں شکستہ پا ھوں تو اس لیے

کہ قدم تو سب سے ملا لیے

مرا دل کسی سے ملا نہیں

۔۔۔۔۔۔۔۔۔۔۔۔۔۔۔۔

: ابھی آنکھیں کھلی ہیں اور کیا کیا دیکھنے کو

مجھے  پاگل  کیا  اس  نے  تماشا  دیکھنے کو

وہ صورت دیکھ لی ہم نے تو پھر کچھ بھی نہ دیکھا

ابھی  ورنہ  پڑی  تھی  ایک  دنیا  دیکھنے  کو

تمنا  کی کسے  پروا  کہ  سونے  جاگنے  میں

میسر  ہیں بہت  خوابِ  تمنا  دیکھنے  کو

بہ ظاہر  مطمئن  میں  بھی  رہا اس  انجمن  میں

سبھی موجود تھے اور وہ بھی خوش تھا دیکھنے کو

اب اس کو دیکھ کر دل ہو گیا ہے اور  بوجھل

ترستا  تھا  یہی  دیکھو  تو  کتنا  دیکھنے  کو

اب اتنا حسن آنکھوں میں سمائے بھی تو کیونکر

وگرنہ آج  اسے  ہم  نے  بھی  دیکھا  دیکھنے  کو

چھپایا ہاتھ سے چہرہ بھی اس  نامہرباں  نے

ہم  آئے  تھے ظفرؔ جس کا  سراپا  دیکھنے  کو

ظفرؔ اقبال

۔۔۔۔۔۔۔۔۔۔۔۔۔۔۔

 

تیری یادوں کے خاموش محل میں

دل تو لگتاہے پر آنکھ نہیں لگتی

💔💔💔۔۔۔۔۔۔۔۔۔۔

ٹوٹ کے چاہنا اور پھر ٹوٹ جانا

بات چھوٹی ہے مگر جان لیوا ہے-

۔۔۔۔۔۔۔۔۔۔

 یاد آؤں تو بس اتنی سی   عنایت  کرنا

اپنے بدلے ہوئے لہجے کی وضاحت کرنا

تم تو چاہت کا   شاہکار   ہوا کرتے  تھے

کس سے سیکھا ہے یہ الفت میں ملاوٹ کرنا؟

ہم سزاؤں کے حقدار ہوئے کب سے؟

تم ہی کہہ دو کہ جرم ہے کیا محبت کرنا؟

تیری فُرقت میں یہ آنکھیں ابھی تک نم ہیں

کبھی آنا میرے اشکوں کی زیارت کرنا

دل میں اب بھی محبت کے دیئے ہیں روشن

دیکھ بُھولے نھیں تیری ہستی کی سجاوٹ کرنا

۔۔۔۔۔۔۔۔۔۔۔۔۔۔۔۔

میرا سوچنا تیری ذات تک

میری گُفتُگو تیری بات تک

نہ تم مِلو جو کبھی مجھے

میرا ڈھونڈنا تُجھے پار تک

میں نے اپنا سب کچھ گنوا دیا

تیری نفرتوں سے تیرے پیار تک

کبھی فرصتیں جو مِلیں تو آء

میری زندگی کے حصار تک

میں نے جانا کہ میں کچھ نہیں

تیرے پہلے سے تیرے بعد تک

۔۔۔۔۔۔۔۔۔۔۔۔۔۔۔۔۔۔۔۔

 💖کسی شام آ میرے محرما

سبھی راز ہستی بیاں کروں🌺

💖میری روح کا وہ جو کرب ہے

تیری روح پہ میں عیاں کروں🌺

 

💖میرے خانہءدل کی وحشتیں

تیرے دل پہ ساری نہاں کروں🌺

💖کبھی خود کو تسبیح سا پھیر دوں

کبھی تجھ کو ورد زباں کروں🌺

💖کسی شام آ میرے محرما

میں خود کو تجھ میں فنا کروں🌺

۔۔۔۔۔۔۔۔۔۔۔۔۔۔۔۔۔

یہ جو ماه سال کی مسافتیں   میرےچاره گر یہ ریاضتیں🍒

💓میرے جا بجا ، میرے چار سو

تیرے ہجر کی هیں یہ تمازتیں🌷🍁

💓جو نهیں تو کچھ نهیں چارہ گر

میرے روزؤ شب کی سجاوٹیں 🍒

💓تیرے رو برو میرے اے حسین

نہ رهیں کبھی یہ عداوتیں 🍁🌷

💓تو شمار کر مجھے رات دن

میرے چار سو تیری چاهیتں🍒

💓دعا رہے یہی تاابد میرے چارہ گر

کم نہ۔هوں کبھی زیست کی عنایتیں🌷🍁

۔۔۔۔۔۔۔۔۔۔۔۔۔۔

اُسے میں نے ہی لکھا تھا""

کہ لہجے برف ہو جائیں

تو پگھلا نہیں کرتے🍒

💞پرندے ڈر کے اڑ جایں تو لوٹا نہیں کرتے"""

اُسے میں نے ہی لکھا تھا🍒

💞یقیں اُٹھ جائے تو شاید کبھی واپس نہیں آتا"""

ہواؤں کا طوفاں کبھی بارش نہیں لاتا"🍒

💞اُسے میں نے ہی لکھا تھا

کہ دل اک بار جو ٹوٹ جاۓ تو کبھی جڑ نہیں پاتا🍒

💞وابستہ جن سے امیدیں ہوں وہ چھوڑ جائیں تو جیا نہیں جاتا"🍒

💞اُسے میں نے ہی لکھا تھا

محبت کے فقیروں کو کبھی لوٹا نہیں کرتے🍒

💞جن کی چاہت ہو عبادت کی طرح وہ کبھی ٹوٹا نہیں کرتے🍒

💞اُسے میں نے ہی لکھا تھا

محبت بندگی ہے اس میں تن کا قرب مانگا نہیں کرتے🍒

💞جسے چھو لیا جائے اُسے پوجا نہیں کرتے

اُسے میں نے ہی لکھا تھا..🍒

۔۔۔۔۔۔۔۔۔۔۔

۔۔۔۔۔۔۔۔۔۔۔۔۔۔۔۔۔۔۔

سنو تم نے کہا تھا نا ! ! !

مجھے جذبہ محبت سے کبھی جو تم پکارو گی

میں اس دن لوٹ آؤں گا 🍒🌹

💓💓تو دیکھو نا ! !

کئی لمحوں

کئی سالوں

کئی صدیوں

سے تیرا رستہ تکتی

یہ میری منتظر آنکھیں

میرے دل کی یہ دھڑکن اور سانسیں

بس تمہارا نام لیتی ہیں

وہی اک ورد کرتی ہیں🌹🍒

میری آنکھوں کے ساحل پر

تیری خواہش کی موجوں نے

بڑی ہلچل مچائی ہے

تیری تصویر ، سوکھے پھول اور تحفے !

تیری چاہت کی خوشبو میں

ابھی تک سانس لیتے ہیں 🍒🌹

وہ سب رستے کے جن پر تم ہمارے ساتھ چلتے تھے

وہ سب رستے جہاں تیری ہنسی کے پھول کھلتے تھے

جہاں پیڑوں کی شاخوں پر

ہم اپنا نام لکھتے تھے 🌹🍒

💓💓اُداسی سے بھرے منظر

تمھارے لوٹ کر آنے کی امیدیں دلاتے ہیں

سنو کچھ بھی نہیں بدلا

تمھارے پاؤں کی آواز سننے کو

میرے کمرے کی بے ترتیب چیزیں منتظر ہیں🍒🌹

 💓سنو ! ! ! 🍒

💓💓تکمیل پاتی چاہتوں کو یوں ادھورا تو نہیں چھوڑو

مجھے مت آزماؤ تم

چلو اب لوٹ آؤ تم...🌹🍒

 ۔۔۔۔۔۔۔۔۔۔۔۔

میری بربادیاں____درست مگر،،!

تو یہ بتا_____تجھے ثواب ملا،؟؟

۔۔۔۔۔۔۔۔۔۔۔۔۔۔۔۔

ہوتا ہے  جس جگہ میری بَربادیوں کا ذِکر۔۔۔

تیرا بھی نام لیتی ہے دُنیا کبھی ،، ،کبھی

۔۔۔۔۔۔۔۔۔۔۔۔۔۔۔۔۔۔۔۔

میں سمندر ہوں، مجھے مل کسی دریا کی طرح

میں بھی دیکھوں ترے جذبوں کی روانی کیا ہے

۔۔۔۔۔۔۔۔۔۔۔۔۔

: ‏"فَقیرِ عِشق ہُو ں , اِک دَر سے لَگا بیٹھا ہُوں،

بِھکاری  ہوتا  تو , دَر دَر پے پَڑا  مِلتا میں"

۔۔۔۔۔۔۔۔

بہار رُت میں اجاڑ رستے___

تکا کرو گے تو رو پڑو گے___

کسی سے ملنے کو جب بھی محسن___

سجا کرو گے تو رو پڑو گے___

 

تمھارے وعدوں نے یار مجھ کو___

تباہ کیا ہے کچھ اس طرح سے___

کے زندگی میں جو پھر کسی سے___

دغا کرو گے تو رو پڑو گے___

میں جانتا ہوں میری محبت___

اجاڑ دے گی تمہیں بھی ایسے___

کے چاند راتوں میں اب کسی سے___

ملا کرو گے تو رو پڑو گے___

برستی بارش میں یاد رکھنا___

تمہیں ستائیں گی میری آنکھیں___

کسی ولی کے مزار پر جب___

دعا کرو گے تو رو پڑو گے___!!

محسن نقوی

۔۔۔۔۔۔۔۔۔۔۔

 

 

اب ہم کو ڈھونڈنے کا تکلف نہ کیجئے

ہم کھو گئے کہ آپ کا ملنا محال تھا...!!

الفاظ صرف چُبھتے ہیں،

خاموشیاں مار دیتی ہیں

۔۔۔۔۔۔۔۔۔۔

*کسے خبر وہ محبت تھی_  یا رقابت تھی*

*بہت سے لوگ تجھے دیکھ کر ہمارے ہوئے*

۔۔۔۔۔۔۔۔۔۔۔۔۔۔

*اب اک ہجومِ شکستہ دلاں ہے ساتھ اپنے*

*جنہیں کوئی نہ ملا , ہمسفر ہمارے ہوئے*

*احمد فراز*


افکار و نظریات: شعرو شاعری ۱