اب مجھے شرم نہیں آتی!

تحریر... گلزار حسین

 

رمضان کا ماہ مقدس ہے رب کرے میں وزیر اعظم بن جاؤں, پچھلے چند دنوں سے مختلف چینلز پہ سابق وزراء اعظم اور عمران خان کے بیانات سننے, دیکھنے کو ملے, بچپن میں مجھے لگتا تھا کہ جھوٹ بولنا گندی بات ہے اور یہ اگر لوگوں کے سامنے بولا جاۓ تو بے عزتی ہوسکتی ہے, سیاست ایک گورکھ دھندہ یا گندا ہے جس میں جو بھی آتا ہے یہ اسے سیاہ بناڈالتی ہے یہ بھی جھوٹ ہوسکتا ہے لیکن اب مجھے جھوٹ بولتے وقت شرم ورم نہیں آتی, یہ میں اپنے ملک کے وزیروں سے سیکھا ہوں, پہلے سوچتا تھا کہ جو جھوٹ بولے گا اس کو فوری پکڑ لیا جاۓ گا مگر اب معلوم ہوا کہ ایسا کچھ نہیں

دل کھول کر بولو کوئ بات نہیں.

میں آپ کو یقین دلاتا ہوں کہ اگر آپ مجھے ووٹ دیں تو میں وزیر اعظم بن کر ملک میں خوشحالی لاؤنگا. آپ نے بس اس بار باقی پارٹیز کو نہیں میری پارٹی کو ووٹ دینا ہے.

آپ کی سوئ ہوئ تقدیر جگادونگا.

اگر آپ کی دعاؤں سے اور آپ کے یعنی عوام کے ووٹوں سے وزیر اعظم بنا تو میں ایک ماہ میں یہ یہ کام کروں گا.

1 . وزیر اعظم بننے کے بعد پریس کانفرینس کروں گا

2. قوم کو تقریر کرنا سکھاؤں گا

3.. آپ کے کپڑے دھوؤں گا, فرش دھوؤنگا, آپ کے بچوں کو سکول چھوڑ آؤنگا

4. کالا باغ ہاں کالا باغ ڈیم بناؤنگا

5. غریب کو پنکھے تلے اور خود مچھروں والی جگہ سوؤنگا

6.عوام کا علاج لندن سے اور میرا علاج پاکستان میں ہوگا

7. رات کو گلیوں میں گشت کیا کرونگا,

8. عورتوں کو مرد اور مردوں کو عورتوں کے ہم پلہ بناؤنگا,

9. بیرون ممالک دورے نہیں کرونگا, سرکاری پیسوں سے عمرہ بھی نہیں کرونگا,

...اور.... اور

کرپشن کا خاتمہ, لوڈ شیڈنگ ختم, ہر گھر کی دہلیز پہ انصاف کی فراہمی,

حفاظ کرام اور امام مساجد کے وظیفہ مقرر, اساتزہ کے سکیل سب سے اوپر,

جتنے صوبے کہیں گے اتنے بنوادونگا, پٹرول 10 روپے پہ لے آؤنگا, 

پڑھے لکھے نوجوانوں کو, دانشوروں,فلاسفروں اور علماء کو پارلیمنٹ میں لے آؤنگا,

آپ دیکھ کر دنگ رہ جائیں گے کہ اتنا انقلاب ؟

دوسرے صاحب کا حال دیکھیں,,,,  ہم نے بہت کام کیا ہے, بہت کام, ہم خادم پنجاب ہیں, ہم تو آپ کے خادم صاحب ہیں,  ایک بار پھر آنے تو دیں سارے ہسپتال ہی ہسپتال ہونگے,  ساری قوم مفت ٹیسٹ کروالے گی, ہمارے دور میں اتنی ترقی ہوئ جتنی ستر سالوں میں نہیں ہوئ, آج لاہور کو دیکھو ,مینار پاکستان کو دیکھو, شاہی قلعہ دیکھو اور دیکھنے کے بعد گھر چلے جاؤ,

ہمیں ووٹ دو اب کی بار سب ناراضگیاں دور....

اور ادھر دیکھیۓ,

آج اگر بی بی ہوتیں

تو یہ یہ ایسا نہ ہوتا

ہمیں اب ووٹ دے کے دیکھو جیسے سندھ کو بنایا ہے ویسا بنادیں گے پھورے ملاک کو,

ہم تمہیں کپڑے دیں گے

خوبصورت کپڑے,

جن میں ساڑھیاں ہونگی, لینگے, غرارے اور پینٹیں اور شرٹیں بھی,

ہاں کناری والے اور کڈھائ والے کپڑے بھی

ہم تمہیں روٹی دیں گے

ہاں ہاں ہم تمہیں روٹی دیں گے, سالن دیں گے, ڈبل روٹی دیں گے, روٹی پکانے والیاں بھی دیں گے,

تم عوام تلوار کو ووٹ دو

ہم تمہیں کمرہ اور مکان دیں گے, دو شہتیرہ تین شہتیرہ کمرہ دیں گے,

اتنا مکان دیں گے جیسے پہلے دیا ہے.

بس مجھے ووٹ دو

میری یہ تحریر نہائیت ہی جھوٹی اور باعث شرم والی ہے

مگر میں نے بھی تو اپنے حکمرانوں سے یہ جھوٹ سیکھا ہے, کاش کہ

ان کو جھوٹ بولتے ہوۓ شرم آتی اور بول نہ سکتے,

یہ اتنا بے وقوف بناچکے ہیں عوام کو اور بنارہے ہیں,

تم جو کہہ دو تو چاند تارے توڑ لاؤنگا میں

والی صورتحال بنارہے ہیں,,,

عوام کو ہشیار ہوجانا چاہئیے, متحد ہوجانا چاہئیے,

ایک پیج پہ آجانا چاہیۓ,

وہ پیج ہے سب سے پہلے پاکستان,

پاکستان زندہ باد

معاف کیجے گا, چینلز پہ ان کو برداشت کرتے ہیں یہاں مجھے برداشت کر لیجے. 

اللہ ہمارا حامی و ناصر.


افکار و نظریات: اب مجھے شرم نہیں آتی