مولانا سید پرویز علی نقوی

مسئول فاطمیہ فاونڈیشن قم

کہتی ہے تجھ کو خلق خدا غائبانہ کیا


اس دنیا میں کچھ بھی خلافِ توقع نہیں ہوتا۔ بس ہم ہیں کہ توجہ نہیں دیتے۔ یہ کائنات ایک نظم کے تحت چل رہی ہے۔ حتی کہ انسان کی شخصیت بھی اس کے دوستوں سےہی تشکیل پاتی ہے۔ جب دوست کسی شخص پر کوئی مسئولیت ڈالتے ہیں تو وہ مسئول یا مدیر در حقیقت سب دوستوں کا اجتماعی چہرہ بن جاتا ہے۔ ظاہر ہے کہ کسی بھی کام کیلئے جیسا مدیر ہوگا ویسا ہی نتیجہ نکلے گا۔ گزشتہ دنوں مولانا سید پرویز علی نقوی کو فاطمیہ فاونڈیشن کے دوستوں کی طرف سے دو سال کیلئے میرِ کاررواں منتخب کیا گیا۔

اب فاطمیہ فاونڈیشن کا چہرہ ، پہچان اور شناخت وہی ہیں۔ آئیے اُن کے بارے میں ان کے جاننے اور چاہنے والوں کی رائے، توقعات اور امیدیں بھی جان لیجئے۔

حجت الاسلام سيد مختار علی رضوی
پرنسپل جامعه امام علي نقي عليه السلام پنوعاقل
سرپرست فاطميه فاونديشن پاکستان
سید پرویز علی نقوی ایک ہونہار، محنتی اور معارف محمد وآل محمد سیکھنے کی تلاش میں ہميشہ کوشاں رہنےوالی شخصیت کے مالک ہیں۔ ان کے اخلاق حسنہ کے ہم سب معترف ہیں اور وہ اپنی تعلیم و تربیت کے ہمراہ اپنے انسانی و اجتماعی فرائض کی ادائیگی میں ہمیشہ مستعدنظر آتے ہیں۔

آفتاب اتحادی
سابق صدر فاطميه فائونديشن شعبه قم المقدسہ
مولانا سید پرویز علی نقوی صاحب کو جہاں فاطميه فاونڈيشن شعبه قم المقدسہ کا میر کارواں بننے پر دل سے مبارک باد پیش کرتا ہوں، وہیں یہ بھی یقین رکھتا ہوں کہ مولانا سید پرویز علی شاہ صاحب خداوندِ عالم کی عطا کردہ توفیق اور اہل بیت ؑ کی نظرِ کرم کے صدقے میں اپنی تمام تر توانائیوں کو بروئے کار لاتے ہوئے اس الٰہی کاررواں کو کامیابی کے ساتھ آگے بڑھائیں گے۔

م ع شریفی
صدر ہدایت فاؤنڈیشن
جنرل سیکرٹری موسسہ علمی و فرہنگی امام زمان ۔
معصوم کافرمان ہے یداللہ علی الجماعہ۔۔انسان جب انفرادی سرگرمیوں سے نکل کر اجتماع کاحصہ بنتاہے تو اجتماعی کاموں کے ذریعے اور زیادہ دین وملت کی بہتر خدمت کرسکتاہے۔
جناب حجت الاسلام سید پرویز علی شاہ کی خدمت میں فاطمیہ فاؤنڈیشن کےنئے میرکاروں منتخب ہونے پر مبارک باد پیش کرتے ہیں ۔ دعاگو ہیں اللہ آپ کو اس ذمہ داری کو بہتر انداز میں نبھانے کی توفیق عطا فرمائے۔۔۔

محسن عباس مقپون
از طرف موسسہ باقرلعلوم قم المقدس
امید کی جاتی ہے کہ قبلہ اپنی فکری، علمی اور انتظامی استعداد کو بروئے کار لاتے ہوئے اس کارواں کو بام عروج تک پہنچائیں گے۔ اللہ تعالی انہیں دن دگنی اور رات چگنی ترقی عطا کرے اور خدمت دین کی مزید توفیق سے نوازے۔

حسن اقبال
ھیت اُمَنا موسسہ قرآن و اہلبیت قم المقدس
آغا پرویز شاہ صاحب کو فاطمیہ فاونڈیشن کے نئے میر کارواں بننے پر دل کی گہرائیوں سے تبریک و تہنیت عرض ہے ۔ یقیناً وہ احساسِ ذمہ داری کے حامل ہیں۔ ایک درد دل رکھنے والا انسان ہی ذمہ داری قبول کرتا ہے اور یہی انسان اپنے اس درد کے ذریعے معاشرے کا رخ بدل سکتا ہے ۔ ہماری دعاہے کہ خداوند ان کی توفیقات خیر میں اضافہ فرمائے ۔

محمد حسین چمن آبادی
رائٹر: وائس آف نیشن
ذمہ داری بھی خداوند متعال کا تحفہ ہے جس کے ذریعے انسان انفرادیت کی بند گلی سے نکل کر آفاقی اور الہی شخصیت بنتا ہے۔

سید فصیح حیدر
امیر المومنین امام علی علیہ السلام نے مالک اشتر کو جب مصر کی حکومت سپرد کی تو فرمایا:
اور دیکھو! جن چیزوں میں سب لوگوں کا حق برابر ہوتا ہے اسے اپنے لئے مخصوص نہ کر لینا، اور قابل لحاظ حقوق سے غفلت نہ برتنا جو نظروں کے سامنے نمایاں ہوں، کیونکہ دوسروں کیلئے یہ ذمہ داری تم پر عائد ہے۔ اور مستقبل قریب میں تمام معاملات پر سے پردہ ہٹا دیا جائے گا اور تم سے مظلوم کی داد خواہی کر لی جائے گی۔
ہم مولانا پرویز شاہ صاحب کو فاطمیہ فاؤنڈیشن قم کے نئے میر کارواں منتخب ہونے پر مبارکباد پیش کرتے ہیں اور امید کرتے ہیں آپ اس منصب کیلئے ایک بہترین انتخاب اور اہل میرِ کاررواں ثابت ہونگے۔

ابلاغ صادق جعفری
محقق: وائس آف نیشن
ملت کے ساتھ رابطہء استوار رکھ
پيوستہ رہ شجر سے ، اميد بہار رکھ!
تنظیم فاطمیہ فاونڈیشن کے جدید میر کارواں کو علم وعمل کے میر کارواں بننے پر مبارک پیش کرتے ہیں۔امید کرتے ہیں کہ وہ نو آوری، خلاقیّت اور نئی فکر اور عہد کے ساتھ اس کارواں کو آگے بڑھائیں گے۔

جناب حجت الاسلام والمسلمین پرویز شاہ صاحب کو فاطمیہ فاؤنڈیشن قم کا سربراہ منتخب ہونے پر مبارکباد پیش کرتا ہوں۔

تنویر مطہری
سابق مدیر موسسہ شہید عارف حسینی قم
شہید ڈاکٹر نقوی رحمتہ اللہ علیہ کا فرمان ہے:ذمہ داری کچھ نہیں بلکہ احساس ذمہ داری بڑی چیز ہے۔جناب برادر پرویز شاہ صاحب کو فاطمیہ فاونڈیشن کے نئے میر کارواں بننے پر دل کی گہرائیوں سے تبریک عرض ہے ۔ اللہ پاک ان کی توفیقات خیر میں اضافہ فرمائے ۔

ابراہیم شہزاد
ٹیم : وائس آف نیشن
محترم مولانا پرویز شاہ صاحب کو فاطمیہ فانڈویشن قم کے نئے میر کارواں منتخب ہونے پر دل کی اتھاہ گہرائیوں سے مبارک باد پیش کرتے ہیں۔ دعا ہے کہ خدا وند انہیں بحق سیدہ زہرا، براے سیدہ زہرا اپنے فرائض منصبی کو خوب نبھانے کی توفیق عطا فرمائے۔❣️🌹❣️

کمیل گردیزی
ٹیم ابلاغِ عامہ
مولانا سید پرویز نقوی صاحب کو فاطمیہ فاؤنڈیشن قم کے صدر منتخب ہونے پر مبارک باد عرض ہے۔امید کی جاتی ہے کہ آپ جیسی قابل شخصیت ایک بہترین ٹیم تشکیل دے گی تا کہ فاؤنڈیشن بطریقِ احسن مزید ترقی کرے۔

اشرف صالحی
جنرل سیکریٹری ہدایت فاؤنڈیشن
ماشاءاللہ فاطمیہ فاونڈیشن کے نئے میر کاروان کی خدمت میں مبارکباد دینے کے ساتھ ہی اُن کی خدمت میں عرض کرونگا کہ کسی بھی ادارے یا تنظیم کی پہچان اس کے مدیر اور سربراہ سے ہوتی ہے ۔ جن دوستوں نے آپ کو بطورِ مدیر انتخاب کیا ہے اب آپ نے اُن کی بھی لاج رکھنی ہے۔

حیدر علی ڈومکی
رابطہ سیکرٹری جامعہ روحانیت بلوچستان
سید پرویز علی نقوی صاحب کو فاطميه فائونديشن شعبه قم المقدسہ کے مدیر بنے پر دل کی گہرائیوں سے مبارک باد پیش کرتا ہوں، یہ ذمہ داری جتنی بڑی ہے ہماری اُن سے امیدیں اورتوقعات بھی اتنی ہی زیادہ ہیں۔ ہمیں پختہ یقین ہے کہ وہ اپنے تجربات اور انتہائی بصیرت کے ساتھ اس الہی کاررواں کو مزید آگے بڑھائیں گے۔

منظوم ولایتی
ٹیم وائس آف نیشن
سید پرویز علی شاہ صاحب کی خدمت میں فاطمیہ فاونڈیشن قم کے نئے میرِکارواں منتخب ہونے پر تبریک وتہنیت عرض کرتے ہے ۔ آپ مدیر بننے سے پہلے ہی ہمارے درمیان حوزہ علمیہ کے نہایت ہی مستعد اور فعال افراد میں شامل ہوتے ہیں۔ اب یہی وقت ہے کہ آپ اپنے تجربات اور صلاحیتوں کا لوہا منوائیں۔
ایّدک اللہ ان شاء اللہ

سید واجد علی نقوی

مسئول :محافل و مجالس جامعه روحانيت سندھ مقیم قم
آقای سید پرویز شاہ صاحب کو فاطمیہ فاونڈیشن کے نئے میر کارواں منتخب ہونے پر دل کی گہرائیوں سے مبارکباد پیش کرتا ہوں۔ خداوند بحق معصومین علیہم السلام ان کی توفیقات خیر میں اضافہ فرمائے اور اللہ کے خالص دین کو عوام الناس تک پہنچانے میں ان کی مدد کرے۔

نذر حافی
از طرف سپورٹ کشمیر انٹرنیشنل فورم
ایک دوست ہونے کے ناطے نیک تمنّاوں کا گلدستہ بھی پیشِ خدمت ہے اور ساتھ ہی یہ بھی عرض ہے کہ قم المقدس میں ایک فاونڈیشن کے مدیر بننے کے بعد آپ صرف فاطمیہ فاونڈیشن کے لئے ہی امید کے چراغ نہیں رہے بلکہ اب ہم سب کا مشترکہ سرمایہ ہیں۔ لہذاآپ اپنی مدیریّت کے مثبت یا منفی اثرات کو صرف فاطمیہ فاونڈیشن تک محدود نہ سمجھئے گا۔ کہیں پر جب کوئی چراغ جلتا یا بجھتا ہے تو اس کے آثار بہت دور تک مرتّب ہوتے ہیں۔ اس سے بہت سارے مسافر وں کو راستہ ملتا ہے اور یا پھر بھٹک جاتے ہیں۔ ہم سب الہی کارروان کے مسافر ہیں اور ہماری امید کی مشعل آپ کے ہاتھوں میں ہے۔ہماری دعاہے کہ اللہ تعالی آپ کو مزید بلندی اور ترقی عطا فرمائے۔

آپ کی پسند

ایک کہانی حضرت عمر کی زبانی